Abwaanada Boon: Cabdi Saayiq
June 18, 2008 Leave a comment
Cabdi Saayiq wuxu ka mid ahaa Abwaanada Boon ee gabya, murti kooban oo ka mid ahayd gabay abwaankaasi an ka haynana waxan kasoo xiganay C/Raxmaan Aw-Faarax Sigad.
Sannadku wuxu ahaa 1970kii, wafti uu hogaaminayo Madaxweyne ku xigeenkii Soomaaliya, Xuseen Kulmiye Afrax ayaa soo maray Boon. Halkaasi ayuuna gabay ka jeediyay Cabdi Saayiq, kadibna waalla Xidhay Mr Saayiq, oo ujeedada gabaygaas ayaa lagu xidhay. Ujeedada Cabdi waxay ahayd inuu ku mabsuuday waxqabadka Siyaad Barre, balse aanu waligii indho saarin ee Raadiyoowga uun uuka maqlo. Erayada gabaygaas waxa ka mid ahaa:
Mudanoow Maxamadoow
Mursalkii Alla Doortay
Magaca Kii la wadaagee
Raadkiisana Marayoow
Kolba Meeshii ad maraysiyo
Mashruucii Ad furaysaba
Raadiyoowgaan ka maqlaa
Balse waaban ku mabsuudaye
Maxaad ka xusuusantihiin Cabdi Saayiq, halkuu ku danbeeyay, miyuu noolyahay mise wuu dhintay? Geeri iyo nololba waxan u baryaynaa Nabad galyo iyo Naxariis. Qofkii wax ka xusuusta murtidii C/Saayiq fadlan hanala soo xidhiidho.
Nabad Iyo Caano
Allboon (AB).
