GURMAD

By Mudane

asalaamu calaykum waraxmatullaahi wabarakaatu  salaantaas islaamka kadib waxaan dhammaan dadka reer awdal ugu baaqayaa inay gacansiiyaan walaalohooda ku dhibaataysan xabsiyada liibiya waxaa umalaynayaa sida laga warqababa inay ku jiraan xaalad geeri dhaanto cidna uma maqna ceelna uma qodna ilaahay ka sokow waxaa intaas usoo raaca waa dadkii ay ka dhasheen oo iniga ah markaa walaalayaal hawshu way socotaa lacag ururintu ee nin waloowba taagtaa iyo taladaa ayaa lagaa rabaa waxaan aniguna idhaahdaa hadii aanan doolar hayn waxaan ahay daaci qaran waxaan ugu deeqayaa maansada lamagaca baxday (GURMAD).

 
 
gurmad awdaloow gala
guulaa wax bixiyee
xaajaba go,aankeed
garab wali walaalkii
gargaarkuna tolnimadii
guushuna dadaalkeed
nin waliba guclayntii
iyo garashadiisii
maantiyo go,aankeed
 
reer awdaloow guux
calaa geela laayiyo
la ima galin fariintii
waa guruurucaagee
hadaad gooh ujeedeen
go,a lacagtu maantaba
garoonkii ayuu yaal
gacmeheenu kuu furan
ginigaaga soodhiib
sharaftaada geed saar
 
reer awdaloo gala
gala gala dadaal gala
wuu go,ay guruuruco
marmarsiiyo waa gumar
haduu xume ku guud dego
waa laga gurguurtaa
garoob looma heesoo
gabay looma tiriyee
kuwii geeriyoodee
ugalbaday dhan aakhiro
guulaa janayniye
gabanada xabsiga galay
nolol geeri dhaantiyo
xaalad laga gariireey
gabigood ku suganyiin
 
marka guula laga tago
cid ufidisa gacaniyo
haayada gargaariyo
wax ugaara lama oga
 
inta dhaawac gooriyo
goobuhu qudhmaayaan
waa gabanadeenii
bari gobolku sugayee
hago,aan miyaa talo
miyaad gawsya waynaan
gabaygayga fiirini
dabadeed ka gogol rogan
 
reer awdaloow garo
halkay guul kadhaw dahay
go,ayeey waan gudi lahaa
hadaan galad eeba helo
hadaan maal gacan kudhigo
runtii galab may dhexeen
gadhkii fikirbaa ijaray
gudoonsaday fara madhnaan
hayeeshee hadal magabin
fariintanibaan gudbini
 
gurmada reer awdaloow
bakhayl gacantii marabo
isgaabiye waan nacaa
ku goohe wax uuna qaban
 
wakaa hawshii lagalay
maantana waa gabagabee
ka goo jeebkaaga gini
gabdhuhu habaxshaan intood
shabaaboow soo guntada
dhaqaaq yee gaadhigii
ninkii gun ahoow kabood
ninkii gob ahoowna raac
 
 
c/fataax daahir cige
mudane_22@hotmail.com
cairo