Hambalyo: Furitaanka Dugsiga Sare Isniino Degmada Boon
Posted by hiildan on July 31, 2008
Waayahan danbe waxan kusoo waabariisan jiray walaac iyo walbahaar an ka qabo warxumo tashiilka lagu soo qoro ama qori doono warbaahinta Awdal. Balse waxa saaka ii baryay arooryo wanaagsan oo i galisay yididiilo iyo dabayl caafiimaad, taasi oo ah wanqalka dugsiga sare ee Degmada Boon. Dugsigaas oo an horey ugu bixiyay Dugsiga Sare Isniino oo macnuhu yahay mid ka tarjumaya haweenka reer Boon oo dhan ee karaamada iyo sharafta leh.
Waxan mahad u celinayaa Wariye Hashim Goth iyo shabaqada Harowo oo si fiican nooga haqab tiray furitaanka dugsigan maqal iyo muuqaalba. Dhammaan reer Boon meelkasta oo ay joogaan ayaan iyagana salaamayaa. Hormoodka Dugsigan sare aasaasay ee matalaya qurba jooga reer Boon ahna IDIRIS Muxumad Sacad ayaan isagana ku celcelinayaa salaan iyo mahadnaq. Maamulka iyo shacbiga Boon dhamaantoodna waxan rajaynayaa inay ku waaraan Guul, faraxad iyo rayn-rayn, Bash-bash iyo barwaaqo.
Abdiqani Ateyeh (AllBoon)
samatar abib said
aniga oo ku dhashay hareeraha boon ay xakunto ,tulada aroorsel oo hadana maanta aan jirin oo ay baabiyeen dagaaladi sokeeye ayaa awaxa aan aad ugu farxay farxad aan la qiimayn karin dugsiga sare isniino ee degmada boon loo furay dugsigaas o aan anigu gaar ahaan u yeelan waayay fursad aan ku dhameeyo waxbarashada dugsiga sare anoo boon qoyskeyga dhex jooga.
sababta dugsi sare laantu waxay jajabisay waxbarashadaydii oo igaga kala baahday inaan boorama la iiwarejiyo hddana jabuuti aan ka dhamaysto waxbarashada dugsiga sare samir ka dib .
alxamdulilaahi maantana waxan nasiib u yeeshay ama aan odhan karaa ilaahay sokadi dadaalkaygu i gaarsiiyay inaan tacliin jaamacadeed ka helo arliga sudan caasimada khartum .waliba jaamacada ingiiriss ay ku baxaan muxaadarooyinku .hada waxan dhameynayaa sanadki labaad civil engineering .waxanan ku talo jiraa ilaahay hadii uu i gaarsiyo inaan ka qayb Qaato dhisida degmada madheertaydu taal ama aan noloshayda qayb ku leh.waxanan ku boorinayaa ardayda fursada u yeelatay inay wax ka bartaan dugsigan waxbarsho sare iyagoo dadkoogii ag jooga inay dadaal muujiyaan oo ay horyaal wayn ka soo hooyaan imtixaanada dugsiga sare ee somalilandta .waayo boon waxa lagu yaqaanaa dad isku daacad ah oo iskaashigu shicaarkooda koowaad yahay .dadaal muujiya kuna fikira sidii aad magaca boon kor ugu qaadi lahaydeen meelkasta oo aad jogtaan.
mar labaad waxan leehay dadki gacan ka qaaatay in la fuliyo furitaanka dugsiga waad mahadsantihiin inta kale ee reer boon aduunka daafihiisa joogtana waxan leehay kala so qayb gala walaalihiin fikrada ah dhisida ama horumarinta degmada aad kasoo jeedaan
warsama abib rooble said
runahaantii add baan ugu farxay markan akhristay dugsiga sare ee laga dhisay degmadan ku dhashay. waxaanan ugu mahadnaqaya ilaahay na siiyay dad noo maqan oo ku fikira magaladooda. ta kale waxan u mahad naqaya idris muxumed . anigoo ka mid ah ardaydii boon ka wayday wax barashada dugsi sare iyo ku dhexeba . hadana ka soo dhigtay wax barashadaydii kale djibouti maantana ka mid ah arda reer djibouti ee ka dhigata medecine ka dalka cuba . hadana ma iloobon waxbarashadaydii hoose een ku soo qaatay magaladayda. ta kale waxaa farxad noo ah casimadii gobolka oon lahayn dugsi sare oo degmo ka mid ahi leedahay . taa na waxay ku tusaysaa inay boon hugaaminayso xagwalba . gobolka cusub. hanbalyooooo hanbalyo
Siciid Cali Sharmaarke said
Ma qiyaasi karo farxadda aan qabo,laakiin maanka waan ku hayay intii aan qurbe jooga ahaa waxanan jeclaan lahaa in aan ahaado ninka ibbo-furka yeesha,laakiin macal asaf waanu hellay waxii aan ku taamaynay inkaastuu qabyo yahay wax ku darso ayaan leehay inta dhiman hawshuna wali way socotaa.
Waad salaaman tihiin
Siciid
Munich
Germany