Saynisyahanada dalkan Ingiriiska ayaa waxay daah fureen in Haweenay reer Masar ahayd (Egyptian Mummy) oo dhimatay qarnigii 19aad, aanay u dhiman xanuunkii markii hore lagu sheegay inay u dhimtay.  Khubarada caafimaadka oo baadhitaan ku sameeyay qalfoofkii iyo xubno haweenaydaas ka mid ah, oo lagu kaydiyay carwo(The British Museum), ku yaalla carriga Ingiriiska ayaa sheegay in sobabta dhimashadeedu aanay ahayn cudurka ‘Cancer’  oo kaga dhacay ‘ugxan sidayaasha’ (Ovarian Cancer), sida takhaatiirtii hore ee baadhay ku sheegeen.