Roob Dab Ah iyo Qosol Dameer .!!

Carruureey Maalmo iyo Habeeno Wanaagsan..!

Carruureey, waayo hore oo hore, ayaa waxa jiri jiray nin   xariif ah oo magaciisa la odhan jiray JUXA. Juxa wuxu lahaa  sheekooyin badan, waxana  ka mid ahayd, sheekadeenan maanta oo ku saabsan JUXA oo safar ay wada galeen koox kale.  Kooxda uu safarkaasi la galay waxay ka koobnaayeen laba nin oo Dameer wata, waxayna isku dayayaan inay khaayimaan JUXA.

Read more of this post

Wufuud Hilbo Ah, Oo Booqday Waraabe .!!!

Sheeko Xariiro: Dhurwaa Godkiisa

Hilib Ugu Garnaqaya!

May 11 2002 at 10:33

  Read more of this post

Cigaal Shiidaad iyo Cigaalada Boorama..!

Maaweelada Carruurta.!!!!

NIN HADAL KUGU DILA, AAMUS BAA LAGU DILAA !!!!   Caruureey Habeen Wanaagsan,!   Waayo hore oo hore, ayaa waxa magaalda ALLAY U TAALLAA ku noolaan jiray oday hadal jiidhay sida baabuurka, oo la odhan jiray HADHAADHAQ.!   Carruureey; odayga hadhaadhaq afka iskuma qaban jirin, qofkii hadal u celiyana wuxu ku dili jiray hadal iyo cay iyo calaacal is wada daba socda, mana kala saari jirin qof la dhashay iyo qof la dhaqmay toona. Cid walbana shaki buu ka qabi jirey, dadkuna way iskugu wada ekaan jireen, oo wejigooda iyo codkooda xitaa makala aqoon.   Hadaba carruureey; maalin maalmaha ka mid ah ayay bulshadii beesha ku noolayd ka tashatay odaygii hadhaadhaq, kadib markii ay khaati bilaah ka joogsadeen. Bulshdadii waxay qaateen talo oday weyn oo waayeel ah oo xikmad iyo karaamo badani usoo jeediyay. Odaygaasi wuxu ku yidhi dadkii, “halloo aamuso Hadhaadhaq, oo aamus hallagu dilo”, oo KA SHIB DHAHA ISLAAMOOW NAFTAA KII LAHAA GADAYE.   Carruureey,  bulshadii sidii ayay yeeleen oo way u wada aamuseen odaygii hadhaadhaq. Odaygii Hadhaadhaqna markii loo wada aamusay dabadeed ayaa cadho iyo hadal daraadeed  indhihii casaadeen, oo cunihii bararay, oo carrabkii qalalay, kadibna guri cidlo ah ayuu kelidii oo cidna la joogin,iskaga dhex dhintay isagoo dibnaha qaniinsan. Xitaa Habar yar oo tuur leh, oo weysada u biyaysana waligii ma yeelan.   Carruureey; dulucda sheekadu waxay  tahay, in aamusku yahay dahab isla mar ahaantaana dawo u yahay hadalka lala duul-duulo ee bilaa kitaabka ah.   Carruureey;  sidaa iyo Nabad iyo Caano. !!!

 

BAH CAYLO.!!

Maaweelada Carruurta: BAH CAYLO.

 

Carruureey maalin wanaagsan.

 

Beri hore oo hore, ayaa waxa jiri jirey labo wiil oo coomo ah,  oo ka dhashay bah laysku odhan jiray BAH CAYLO.

 

Maalin maalmaha ka mid ah, ayuu col soo weeraray labadaas wiil ee Bah caylo, oo meel cidlo ah jooga. Dabadeed doqmihii bah caylo waxay ku heshiiyeen inay iska dhgaan sidii wax dhintay oo kale, bal si colku u gees maro. Halkii ayayna is daadiyeen oo jiifsadeen.

 

Carruureey, kadibna waxa dhacay inuu Colkii isa soo dul taagay midkii ugu horreeyay  bah caylo ee jiifay iskana dhigayay inuu dhintay, oo afka kala saxariirinaya.

 

Mid colkii ka mid ah ayaa dabadeed wuxu yidhi:

“Waar ninku ilko casaa”. !!

 

Carruurreey, doqonkii inuu dhintay iska dhigayay, ayaa qosol ku dhuftay oo  ku jawaabay:

“ihihihiiii, dee shalaan  kox daaqay”.!!!. .  

 

Bal iyadba waa quduree,  hadana kii kale ee ag jiifay ee walaalkii ahaa oo isna la moodayay inuu dhintay ayaa isagoo qoslaya wuxu yidhi:

“ihihihiiii Bahdayada, bah caylaba, waa wada caynkaasi”. !!!

 

Carruureey; halkaasi ayaa coomihii bah caylo lagu qatalay  oo qoorta loo dheereeyay, “doqonbaa halkii lagu qatali, qoorta soo dhigane”. 

Ujeedaduna carruurrey, waa inaad ogaatiin in sheyga la yidhaahdo doqonimmadu yahay SHIL, isla mar ahaantaana, doqoni xadhkaha lagu xidhayo, xusulada  ku sidato , doqonna loo gargaarin lana gargaarsan.

 

Carruureey, ilaa iyo kulantideena danbe sidaa iyo Nabad iyo Caano

 

BoonNews